الحمد لله اني مسلم والحمدلله اني من السودان والحمد لله اني من كلكول؛ تلك الارض الطيبة المباركة الحبيبة التي نكن لها كل احتراماً وتقديراً.

لقد كتبت في المرة السابقة عن اتحاد الشباب وللمرة الثانية أكتب عنه لاهميته ولعدم تجاوب الاعضا الكرام معه.

والفكرة من اتحاد الشباب هو كيان يجمع جميع الشباب بجميع مستوياتهم ويخدم اهدافهم وبرامجهم. وهو كيان موفرة له كل الإمكانيات المادية حيث له مالية تقارب مالية الجيش
ولنقارنه مع اتحاد الطلاب (الرابطة) ان ميزانية الطلاب تساوي نصف ميزانيت الشباب .
وذات يوم كان عندي برنامج محو امية تقنية مشيت لي كل الجهات البتدعم البرنامج ده وقالو مابدعمو الا اتحاد الشباب؛ واخيراً مشيت لي منظمة اسمها محو الامية التقنية قالو مابتعاملو الا مع الطلاب بتعاملو مع الشباب فقط لانوهم نابعين ليهم قالولي سو اتحاد شباب وجيب لينا خطاب بنديك معمل كامل شهادة منهج.

وحضرتا تخريج في رفاعة لي شباب تم تدريبهم في المجالات الحرفية مثل النجارة والسباكة والكهربا والمكنيكة والنقاشة وادو اي شاب شنطة بكتافة الادوات الازمة. عليكم الله يا اخوانا الكلام ده كلكول وشباب كلكول مامحتاجين ليهو؟

ونواصل ان شاء الله