بحب كلكول ومناي قطعة ارض اقل قطعة بثمانية مليون
انا مواطنة وكلكول موطن اجدادي وزمان كان من حق اي مواطن قطعة ارض حتي لو مئتين متر
اها ياجماعة المستوفين الشروط قدموا للاراضي وقدمت معاهم الكلام ده عارفنوا متين قبل ستة سنة وانا في انتظار القرار وكل ما نسال يقولوا في مشكلة صغيرة ادونا شهر واحد ونديهم ونرجع بعد شهر وتاني نفس الكلام وهكذا ونمشي من زول لي زول والشغلانة جايطة ومافي زول عايز يقول حاجةاها ياجماعة لو مافي اراضي خلونا نقتنع ولو في ادونا خبر
انا كنت منتظرة لكن يا جماعة عايزة انبهكم لي حاجة هي مجرد شمار بس العود اكان ما فيه شق ما بقول طق انا عايزاكم تتاكدوا من الكلام دة ولو صحيح انا عندي حل وعايزة اعرف رايكم في الحل ده
الشمار يا شباب كلكول بقول انوا الاراضي بتتباع سوق اسود
عارفين يعني شنو سوق اسود يعني حقنا في الحصول علي قطعة ارض ضاع
الحل ياجماعة نكون يد واحدة والاراضي دي غرب الشارع(الظلط)نحنا نعرف الاراضي بتاعة الحلة وين ونمشي نحجز عارفين الحركة دي اتعملت كتير وفي النهاية بستلموا اراضي وبنتصروا علي الحكومة بتكون فيها شوية خسائر لكن ما مشكلة في النهاية حنثبت للكل انوا حقنا مابضيع طالما في شباب كلكول
اها يا شباب رايكم شنو