hego كتب:

بسم الله الرحمن الرحيم
السلام عليكم ورحمة الله وبركاته يا ناس المنتدي بعد غياب طويل
أولاً نرحب بالشباب والاخوان والاخوات الجدد المنضمين لفضاء كلكول يعني في دماء حاره جديده يعني مواضيع جديده
يعني قدماء المنتدي ياخدوا ليهم شوية راحه وخلوا الشباب ينطق في الفضاء بتاع كلكول ده بس انا قصدت من ده نبعد
الاعبين الكبار لانو الخبره مطلوبه عشان كده ياناس ع و ع ما تفهموني غلط
ورده نرسلها لكل عريس وعروس من شهر 9--2009 ونقول ليهم بيت مال وعيال
ورده تانيه لناس الخطوبات يعني عرس قريب يعني اكمال نصف الدين يعني بعد كم شهر
معلمين الانجليزي عرسان من خارج القريه يعني محترفين ود عجيب وود المحجوب
ورده تالته للمفكرين في العرس والمفكرين في الخطوبه
انتو عارفين ياجماعه بزواج عامر ومحمد إنشاء الله يكون عدد المتزوجين خارج الحله وصل الى 132
طق طرق عكس النسابه الجونا من بره دي طبعاً احصائيه عملها واحد أخونا من القريه
وان كان بناتنا مكملات والكمال لله وحده لكن جمال وادب وتعليم ، لكن نقول القسمه والنصيب
همسه لشباب الرابطه والكورس خلاص انتهي ما الجديد اسبوع ثقافي نظافه قافله محاضرات
المشعل ياملك التعادلات وعندك 11لاعب من بره يعني محترفين 4مباريات 4 تعادلات
مبروك للحله التصديق للمدرسة الثانويه يعني وداعاً للركشات ووقفة الظلط والوقوف في المظلةوالمشي الكداري
والتعب والارهاق البصيب اخوتنا ، بس المطلوب التكاتف من رجال وشباب الحله ليري هدا المشروع النور في اقرب
فرصه دايرين ود الحلال البقول أنا ببني ليكم فصل من والى تسليم مفتاح وكلكول مليانه براس المال والمغتربين
ايد مع ايد يعني الف طوبه مني ونص طن اسمنت منك والحكايه بتمش بس بقول للجنة المدرسه ماتنسو دور
الشباب
وللجنة الجامع الجديد الله يوفقكم

ولنا عوده