احلام كتب:يقطع ليمون اخضر ونضعه في الخلاط ونضيف نصف رطل سكر زائدا الماء واضيف ملعقة كاستر يخلط ويقدم باردا وبالهنا

عصير الليمون (موية الشربات) بالبلدي عندنا في كلكول من أهم العصائر على الاطلاق - هذا في اعتقادي ومن تجربتي طبعاً - ولا أزعم أن كلامي هذا دقيق من الناحية العلمية التي لها أهلها.

عموماً وبنظرة لرمضان في السودان نجد أن الليمون هو العنصر الأساسي الذي يعتمد عليه الناس ولم يخيب ظنهم أبداً حيث كان وظل دائماً السند والمدد... هنا نحن كذلك نجد في عصير الليمون دفعات من الطاقة والحيوية تعيننا على مواصلة المسير؛ بس الجديد في عصير إحلام دا هو شوية الكاسترد القالت اعملوها ليو دي التي يبدو أنها ستدعم قضية النكهة ولا أظن أن لها فوائد أخرى.

شكراً إحلام على الطبق المميز (أقصد موية الشربات بنكهة الكاسترد اللذيذ) وبالمناسبة شنو رايك في "الـــ لنقارا؟"

تحياتي و...
كل الود؛

فرح الغلابة كتب:ما هو ال لنقار اخي عامر
وبالنسبة للكاستر فهو يحفظ الليمون حتي لا يتغير طعمه ويصير حامضا ويحفظه علي حاله فترة طويلة
شكرا علي المرور اخي عامر

الـــ(لنقارا) هو أو هي الكركدي؛
وشكراً أخيتي على المعلومة الجديدة "أن الكاسترد بيحفظ عصير الليمون من تغيير الطعم ويبقيه على حاله لفترة طويلة" بالرغم من أنني أزعم أن العكس هو الصحيح!

تحياتي و...
كل الود؛

ام حمود كتب:دايرةاقول حاجة لى استاذنا عامر انا من الطالبات اللاتى كن معك فى كورس الرابطة الصيفى ولى عظيم الشرف

أهلاً بيك أم حمود في فضاء كلكول وشرفتينا كتير...

كما أنني سعيد بأنني كنت ذات يوم معلم كان يحاول تقديم ولو القليل لدفع حركة التعليم وما زال حولي طلاب ظلوا يذكرونني حتى الآ.

بالنسبة لأختنا أحلام شنو حكايتك معاي؟ موية الشربات الدخلا في المطبخ شنو؟ إنت كان فعلاً شاطرة في المطبخ كدي جيبي لينا حاجات من جوة زي التقلية الشفناها داك اليوم... موية الشربات دي مرطبات وأنا ما شاطر فيها لكن علاقتي بالمطبخ وقدراتي فوق التصور... والله أزبط ليك عدس إمحنك عديل كدي.

تحياتي و...
كل الود؛