امراة لامبالية كتب:قبل فترة بدت الاعلانات للكورسات الصيفية في ولاية الخرطوم وكان بقولو وفق المقرر الجديد انا في الأول افتكرتو مقرر2003 وكنت مستغربة انو الناس دي لغاية هسة بتقول عليهو جديد بس تاني قلت مالو ما برضو لغاية هسة بنقول الكبري الجديد رغم انو ليهو سنين عددا ولما سألت بت الجيران وهي ح تمتحن قالت انو فعلا المقرر اتغير وهسي هم بدرسو مقرر جديد .لكن ياربي ناس ام طرقاً عراض سمعو بالخبر دا وهم هسة في الكورس بدرسو بالقديم ولا الجديد
والمقرر الجديد احسن من القديم ولا زي المرة الفاتت الكتب كلها غلط وكلو سنة يزيدو ومرة يحزفو من المقرر وما راضين يعترفو انو ما جايب حقو
سمعت استاذ احياء بتكلم عن مقرر الاحياء وقال انو الكتاب كبير وكبرو دا في الفاضي بس الحاجة الحلوة في الموضوع انو الاحياء رجعت احياء من جديد وفيها وراثة وتكاثر وعلى ما اعتقد انو فيها نظام بيئي
انا غايتو شايفة لو ناس المناهج ديل ما قادرين علي المقررات دي احسن مافيها حاجة لو قالو نحنا ما قادرين وما فيها حاجة لو كمان استوردو لينا مقررات من برة ماهو نحنا اي حاجة عندنا مستوردة ما وقفت على المقرر

لك التحية أولاً يا من لا تبالين...! هنالك من يبالون ولكن (...) لنملأ بين الهلالين بما نشاء.

أنا لو وددت التعليق على موضوعك الرشيق، سأبدأ بتساؤل ظل يؤرقني كلما سمعت بتغيير "أصلوا الناس ديل" جربوا حتى تغيير الشخصية السوداني ومشروع حضاري وإعادة صياغة وكدة لوكن كل هذه باءت بالفشل وخلفت لنا إنسان ضعيف في كل شيء؛ سبحان الله. والتساؤل هو: هل الذين وضعوا المقررات القديمة زمان في بخت الرضاء وظلت تلك المناهج تدرس حتى بداية التغيير؛ هل أؤلائك النفر الكريم كانوا قاصرين عن أداء المهمة بحيث وضعوا لنا مناهج غير جيدة؟

أكاد أجزم أن أؤلائك النفر من العلماء لن يأتي السودان بمثلهم... وسوف تظل حركة التغيير وتغيير ما تم تغييره مستمرة حتى يقتنع ناس أم طرقاً عراض خليهم اشربوا من البحر؛ ما أصلوا السودان هو الخرتوم وسيظل هكذا إلى أجل غير مسمى؛ حينها سنصحو على رفات بلد لن يعد موجود!

تحياتي و...
كل الود؛