كملت خلاص فرص
السماح
حدد كلامك
واختصر
انا ياما كنت بمشي ليك
واسمع كلامك
وانكسر
لو جابك الشوق من جديد
بابك خلاص صد
انقفل
لو جابك احساس بالندم
عذرك كمان يازول
وصل
احفظ كرامتك وامشي فوت
لا باقي شوق لا ريد
لا امل
اصلا نسيت قصه هواك
والدمعه جفت في
المقل
والدنيا لفت ودورت
ونسيت معاك كل
الحصل
والليله فوق من غفوتك
ريدك معاي ودع
رحل

كنت ف هواك مخلص
براي
بتناسي جورك
وانهزم
ختيتو فيك حلمي الجميل
آخر جزاي عشتك
ندم
لا لقيت معاك فرحي
الكبير
لا الشفتو منك كان
عشم
حتي الغرام الكان معاك
مات في طريقك
وانعدم
ياريتني ما اخترتك
حبيب
ياريتو ريدك كان
حلم