ولـ Saif ـدنا كتب:

نخت .. وانحنت
بعد الشموخ ... العالى داك
ولامست الارض ...
انا من زمان ...
كايس اقوليك النصيحة
احذرك من طولة اللسان
وما تخليك فصيحة...
يوم ربنا اداك الجمال
عميتى من شوفة البنات
نسيتى الكانو معاك ... يوم الحجال
والصج تحت الشجر ولعب الحبال
نسيتى يوم صدرك برز ... وخصرك ضمر
والعوم بفنلة ولباس جوه النهر ...
نسيتى يوم حلقك وقع ...
وامونة بت ناساً عُزاز
نزلت تخوج موية المطر
اليوم خلاص فاتك قطر !!!
وجوه التُكل باقى العمر
الجمال الكان مضرب مثل
والحلاوه الكانت نتقط زى عسل
والعيون البراقة ...زى حلقة زُحل
كُله اتمسح !!!
زى مُعراكة فى صاجاً وسخ
من قُدمه فى الطوبة ديك
الصاج صرخ عاوز يزح
اوع الجمال فى يوم يكون مبغاكى بس
اصلو الجمال زى نعلاً جديد امرو الاخير ينداس وبس